LA UNION – Agtaltalinaed pay laeng a kritikal iti kasasaad ti maysa a mister a biktima iti pammaltog idiay Barangay Pangao-aoan East, ili ti Aringay, La Union.
Naammuan ti Bombo Radyo manipud ti Aringay Police Station, adda ita ti intensive care unit (ICU) iti Ilocos Training and Regional Medical Center ti biktima a ni Frederick Madriaga, residente iti Sta. Teresa, ili ti Tubao, La Union, kalpasan a naglak-am daytoy iti sugat ti bagina gapu ti pammaltog.
Agpapan ita agundaway, saan pay a natukoy iti pulisya ti pakabigbigan ti suspek ken iti motibo ti insidente.
Maipalagip, napaltugan ni Madriaga kabayatan nga agmanmaneho daytoy iti traysikel idiay Barangay Pangao-aoan East.
