LA UNION – Posible a frustrated homicide iti maidatag a kaso kontra iti maysa a mister a nangdanog ken tinagbat na pay iti ulo ti biktima daytoy.
Iti biktima ket nabigbig iti nagan a Jemuel Palagibon, 34, bayat a ti suspek ket nabigbig met iti nagan a Rogelio Alcantara, 45, agpada a residente ti Barangay Cabaroan, Bacnotan, La Union.
Base iti report a nakalap ti Bombo Radyo La Union, naginom dagiti dua iti balay ti biktima idi a timpuar ti nabara nga argumento ket nadanog ti suspek iti biktima.
Gaputi dayta, naiturong dagiti dua iti barangay kapitan ngem saan a naurnos dagitoy agsipudta naminsan pay a nagsinnungbatda agingga a nakakita ti gundaway iti suspek ket tinagbat na iti ulo ti biktima, babaen iti maysa a buneng.
Inarestar dagiti nagresponde a pulis iti suspek idinto a ti biktima ket addan iti natalged a kondisyon kalpasan a naipaayan ti dagus a medical treatment.
Maipagarop a desidido iti biktima a kaswan iti naka-inninom na a suspek.
