LA UNION – Isagsaganan ti pulisya ti kaso kontra iti maysa a mister kalpasan a matiliwan daytoy iti bala ken paltog idiay Barangay San Antonio, ili ti Aringay, La Union.
Nabigbig ti suspek a ni Pamie Mercado, 46, residente ti nasao a lugar.
Babaen ti search warrant nga inyatnag ti pangukuman, rinaut iti kameng ti Aringay Police Station ti balay a pagnanaedan ti suspek.
Maysa a cal .45 a paltog nga addaan iti lima a bala ti nadiskobre dagiti pulis manipud iti uneg ti nasao a balay.
Kaso nga illegal possession of firearms ti maidatag a reklamo kontra ti suspek.
