LA UNION – Adda ita ti salwad ti pulisya ti maysa a mister a naaresto gapu ti maipagarup a panagikot daytoy iti marijuana idiay Barangay Poblacion, ili ti San Gabriel, La Union.
Nabigbig ti suspek a ni Jimmy Fontanilla, 43, residente ti nasao a lugar.
Naammuan ti Bombo Radyo manipud ti San Gabriel Police Station, babaen ti search warrant ng inyatnag ti korte ket inalikadda ti pagtaengan ti suspek kasaruno ti pannakaduktal iti tallo a sachet a naglaon ti maatap a marijuana.
Kaso a panaglabsing ti Comprehensive Dangerous Drugs Act iti reklamo a sangsanguen ti suspek idiay piskalya.
