Boluntaryo a simmuko kadagiti otoridad ti maysa a mister nga sumangsango iti kaso a panaglabsing iti RA 9165 wenno Comprehensive & Dangerous Drugs Act of 2002 idiay Barangay Sevilla, San Fernando, La Union.
Nabigbig daytoy a ni Pedro Munar Jr, 40, residente ti Barangay Sagayad.
Immuna ditoy, nangipaulog ti mandamieto de arresto ni Honorable Judge Asuncion Mandia, ti Municipal Trial Court Branch 29 kontra iti suspek.
Iti agdama ket nakabalod pay laeng ti suspek kalpasan daytoy a napaay bayadan ti naituding na a piyansa a P200,000 para iti temporaryo a pannakawayawaya.
