LA UNION – Natinnag met laengen iti ima dagiti otoridad iti maysa a wanted person idiay Barangay San Nicolas West, Agoo, La Union kalpasan ti 21 a tawen a panaglemmeng na.
Nabigbig iti suspek a ni Gilbert Delos Santos, 45, addaan asawa, residente ti Barangay San Antonino iti nasao nga ili.
Natiliw maiyannurot iti warrant of arrest nga impaulog ni sigud a Presiding Jugde Clifton U. Ganay, ti Regional Trial Court Branch 31 a napetsaan ti December 12, 1997.
Kagiddan iti pannakatiliw ti suspek ket ket nakumpiskaran pay daytoy iti siyam a sachet ti maipagarop a shabu, P24,000 a cash money, cellphone ket color yellow a kotse.
Malaksid iti kaso a robbery, sumangsango pay daytoy iti kaso a panaglabsing iti RA 9165 wenno Comprehensive Dangerous Drugs Act of 2002.
