LA UNION – Inarestar dagiti kameng ti Phil. Drug Enforcement Unit (PDEA) La Union iti maysa a mister gaputi panagikot na iti nasurok P20-k a balor ti maipagarop a shabu.
Iti suspek ket nabigbig iti nagan a Raymund Boado, 34, residente ti Barangay San Manuel Norte, Agoo, La Union.
Inarestar dagiti otoridad iti suspek kalpasan iti naisayangkat a search warrant operation nga inyisyu ni Judge Bernadette B. Badecao-Abnasan ti Municipal Trial Court idiay Sto. Tomas, La Union iti mismo a pagtaengan daytoy.
Kas resulta, nakakumpiskar dagiti otoridad iti pito a pidaso ti healed sealed transparent plastic sachet a maatap a shabu, mapatta-patta nga agdagsen ti 3 gramo, ken addaan ti estimated value a P20,400 malaksid pay dagiti narekobre a drug paraphernalia.
Dagus met a naipasidong ti suspek iti custodiya ti PDEA La Union para iti umno a disposisyon.
