LA UNION – Natay iti maysa a mister kalpasan a binagkong ti naka-inninom na idiay Barangay Oaqui #4, Luna, La Union.
Nabigbig ti biktima iti nagan a Rolando Neral, 51-anyos, residente ti Barangay Oaqui #1, Luna, La Union.
Bayat a ti suspek ket managan Pablo Solis, 53, residente ti Barangay Oaqui #4 ti nasao nga ili.
Base iti police report, iti biktima ken suspek ket maipagarop a naaddaan ti panagsinngungbat bayat ti panaginom dagitoy ti nasanger.
Ngem maipagarop a nagkalma iti panagsinnungbat dagitoy, agingga a nagawiden iti suspek.
Ngem kellaat a nagsubli daytoy a nakaimet ti kutsilyo, ket dagus na a binagsol ti biktima iti likudan daytoy.
Naiturong ti biktima idiay Balaoan District Hospital ngem naideklara a dead-on-arrival.
