LA UNION – Natay iti maysa a 39-anyos a mister kalpasan a dinanog ti suspek iti rupa na idiay San Juan, La Union.
Iti biktima ket nabigbig iti Jesus Rivera, residente ti Barangay Sto Rosario, San Juan, La Union.
Iti met suspek ket nabigbig iti nagan a Rolex Bosque, 33, addaan ti asawa, tubo ti probinsiya ti Abra.
Maibasar iti police report, nagramot ti insidente idi nga inangaw ti biktima iti maysa a babai a kadwaiti suspek.
Maipagarop a narurod ti suspek ket naaddaan da ti nabara a panagsinnungbat iti biktima, a nagresulta iti panangdanog ti suspek iti biktima.
Kas resulta, natumba ti biktima ket naiturong idiay Bacnotan District Hospital ngem kalpasan ti sumagmamano nga oras ket natay met laeng daytoy,
Agtultuloy iti imbestigasyon dagiti otoridad iti nasao nga insidente.
