LA UNION – Dead on arrival iti Bacnotan District Hospital ti maysa a mister kalpasan a malmes daytoy iti bubon a kalkalyenda idiay Bacnotan, La Union.
Nabigbig iti pimmusay a ni Juan Dalison, 56, residente iti Baragay Payucpoc ti ili a Bauang.
Immuna ditoy, madama iti panagkali ti bikitma ti bubon nga adda kauneg na a lima nga metro idi nga kellaat a ngimmato ti danom daytoy a nakatinnagan ti biktima.
Numan inkagumaan a tinulongan isuna dagiti kakaduana a da Allan Estela ken Rodolfo Bonita a kaanakan ti biktima babaen iti panangipauy-oyda iti tali ngem napaay ti naud-udi.
Agtultuloy met ita ti ar-aramiden nga imbestigasyon dagiti otoridad iti nasao a pasamak.
