Nakabaluden ti mister nga addaan ti kaso a rape kalpasan a matiliw daytoy idiay ili ti Burgos, La Union.
Nabigbig ti akusado a ni Joey Ferrer, 35, residente ti Barangay Magungunay, ili ti Naguilian, La Union.
Naammuan ti Bombo Radyo manipud iti Burgos Police Station, aganay tallo a tawenen nga aglemlemmeng iti linteg ti nasao nga akusado sigud nga impaulog ni Bauang, La Union Regional Trial Court Branch 67 Judge Ferdinand Fe ti warrant of arrest ni November 2013.
Awan met ti naituding a piyansa para ti pannakaruk-at ni Ferrer.
Kaddua dagiti kameng ti Burgos Police Station dagiti operatiba ti Bauang Police Station iti pannakatiliw ti suspek.
