LA UNION – Arestado iti maysa a 58-anyos a mister gaputi iligal a droga ken unjust vexation.
Natiliw iti suspek a managan Samuel Marquez, addaan ti asawa, residente ti Barangay Madayegdeg, San Fernando City, La Union iti insayangkat nga entrapment operation dagiti otoridad idiay Barangay Canaoay.
Daytoy ket gaputi reklamo iti maysa a 47-anyos a babai nga agipatpatulod iti suspek ti text messages kenkuana, a kas koma iti panangipilit na nga agkita dagitoy.
Iti panagresponde dagiti otoridad babaen iti entrapment operation, natiliw iti suspek ken nakumpiskaran pay ti iligal a droga.
Base iti report, 4 a pidaso ti transparent plastic sachet a naglaun iti maipagarop a marijuana with fruiting tops, agdagsen ti nasurok kumurang 5 gramo, addaan ti DDB value a P600.00, agraman maysa a cellphone, iti nakumpiskar manipud iti ikot ti suspek.
Iti agdama, nakaditine ti suspek iti San Fernando Police Station ken sumangsango iti kaso a panaglabsing iti RA 9165 wenno comprehensive dangerous drugs act of 2002 ken unjust vexation, maiyannurot iti Article 287 iti Revised Penal Code.
