LA UNION – Naidatagen idiay piskalya ti kaso kontra iti maysa a mister kalpasan a naalaan daytoy iti droga kabayatan ti naisayangkat a raid idiay balayna idiay Barangay Sto. Rosario East, ili ti Aringay, La Union.
Nabigbig ti suspek a ni Benjie Mario Salazar, 44, residente iti nasao a lugar.
Babaen iti search warrant ng inyatnag ti korte, sinukimat dagiti tauhan iti Aringay Police Station ti pagtanengan iti suspek kasaruno iti pannakadiskobre dagiti lima a sachet a naglaon iti maatap a shabu ken drug paraphernalia.
Naammuan a siguden a simmuko ni Salazar iti Oplan-Tokhang ti pulisya.
Kaso a panaglabsing ti Comprehensive on Dangerous Drugs Act ti reklamo a sangsanguen ti suspek idiay piskalya.
