LA UNION – Maysa nga unexploded ken corroded nga fragmentation grenade iti nasarakan ti maysa a Barangay Kapitan agarop alas 3:00 idi malem kalman idi nagturong iti talon na idiay Barangay Cacapian, San Juan, La Union.
Dagus met nga impaka-ammo ni Barangay Captain Virgilio Vergara, 56-anyos, kadagiti otoridad iti nasarakan na a granada.
Kinuna iti Bombo Radyo La Union ni Police Master Sergeant (PMSgt.) Raymund Laron ti San Juan Police Station, nupay aglat-latin iti maaw-awagan nga MK-2 fragmentation grenade ket posible a bumtak pay daytoy.
Innayon pay ni Laron, a mai-turnover a dagus ti granada iti Explosive Ordnance Division (EOD) para iti umno a disposisyon.
