Dipensaan ni Metropolitan Manila Development Authority (MMDA) General Manager Nicolas Torre III iti panagturongna iti narsuod a pasdek idiay Angeles City, Pampanga tapno tumulong, kalpasan a babalawen dagiti sumagmamano a netizens gapu ta saan a masakupan ti MMDA iti lugar.
Segun kenni Torre, saan a rumbeng nga aramiden nga isyu ti pulitika iti panagtulong iti pada a Pilipino.
Inlawlawagna nga us-usaren ti MMDA dagiti alikamen ken kabaelan teknikal a pinonduan ti buwis dagiti umili tapno agresponde kadagiti didigra ken emerhensia iti sadinoman ti lugar nga agkasapulan.
Innayon na pay, saan a rumbeng a pilyen iti tultulungan maibasar iti maris wenno pammati iti pulitika gapu ta iti pudno a serbisyo publiko ket para iti amin, ken iti pigsa ti pagilian ket nakadependir iti panagkaykaysa.###
