LA UNION – Madama ita nga ad-adalen iti lokal a gobyerno iti syudad ti San Fernando, La Union no kasapulan a maipasidongen ti lugar iti modified general community quaratine (GCQ).
Kinuna ni San Fernando City Mayor Alf Ortega, adda marikna a pagbaliwan ti sitwasyon no maipasidong iti modified GCQ ti syudad.
Sigun ti alkalde, a babaen ti modified GCQ ket mapalubusan a manglukat wenno at operate dagiti dadduma a negosyo a sigud a nakarikep, ken no posible nga ikkaten iti coding scheme kadagiti traysikel wenno pribado a behikulo.
Imbatad pay ni Mayor Ortega, nakadepende met ti panangipasidong iti modified GCQ ti obserbasyon iti IATF no ania ti kasasaad ti syudad.
Immuna iti daytoy, awanen iti nailista pay a kaso ti COVID-19 iti syudad kalpasan a naimbagan manipud ti nasao a sakit dagiti dua a naudi a pasyente.
