Aganay 820 a tattao ti pimmusay gapu iti napasamak a napigsa a 6.8-magnitude earthquake a nangdayeg ti Morocco idi Biyernes ti rabii segun iti Morocco Interior Ministry.
Nailista ti U.S. Geological Survey ti 6.8-magnitude a dimmayeg alas 11:11 ti rabii. Nailista met ti Morocco’s National Seismic Monitoring and Alert Network ti magnitude 7 iti Richter scale. Inpadamag ti U.S. agency ti napasamak a 4.9-magnitude nga aftershock kalpasan ti 19 a minuto.
Ti Marrakech ket addaan iti populasyon nga aganay 1 milyon a tattao, maysa a nalatak a destinasyon dagiti turista nga am-ammo kadagiti historic places. Nag-host ti Marrakech idi 2016 United Nations Climate Change Conference.
Nakipagladinget met ni US President Joe Biden iti pannakapukaw ti biag ken pannakadadael gapu iti ginggined idiay Morocco.
Immadu ti bilang dagiti natay iti ginggined ti Morocco bayat a nagtultuloy ti search and rescue operations tapno masarakan dagiti nakalasat idi malem ti Sabado.
Kinunpirma ti Moroccan Interior Ministry nga aganay 820 a tattao ti natay ken 672 a tattao ti nasugatan.
Agarup kagudua kadagiti natay ket naggapu iti probinsya ti Al Haouz, nga asideg iti sentro ti ginggined, segun iti Associated Press ti Morocco’s Interior Ministry. Nairekord pay dagiti otoridad dagiti natay idiay Taroudant, Chichaoua, Marrakech, Azilal, Ouarzazate, Agadir, Casablanca ken Youssoufia.
Kinuna ti United Nations Secretary-General, António Guterres, a “naladingit unay” kalpasan a naammuanna ti ginggined a napasamak idiay Morocco idi rabii ti Biyernes, segun iti statement nga inruar ti UN iti agsapa ti Sabado.
Kabayatanna, inballaag ti embahada ti U.S. idiay Morocco kadagiti Amerikano nga agannad iti sumaganad a 24 nga oras no adda dagiti kanayonan a ginggined wenno aftershock ken agtungpalda kadagiti pagannurotan ti polisya maipapan iti pannakairept ti kalsada wenno pannakasinga ti trapiko.
