Natay babaen iti naiyuswat nga operasyon-militar iti Most-wanted cartel boss ti Mexico a ni Nemesio Oseguera Cervantes, wenno pagaammo kas “El Mencho”. Ni Oseguera Cervantes ti nangidaulo ti notorious nga Jalisco New Generation Cartel, maysa kadagiti bayolente a criminal group ti nasao a pagilian.
Kinuna ti White House a nangipaay ti Estados Unidos kadagiti intelligence support para ti operasyon, a nangipaganetget met ti security cooperation ti nagbaetan dagiti dua a pagilian iti panangparmek ti drug trafficking ken organized crime.
Nangigubuay iti pannakatay ni El Mencho ti riribuk iti intero a Mexico. Nang-uram dagiti gang members kadagiti bus ken pasdek-negosyo kasta met a nakiraut da kadagiti security forces ti nagduduma a rehiyon.
Impadamag ti Mexico Security Cabinet ti nasurok 250 a blockades wenno panagharang kadagiti 20 nga estado a rason ti trapiko kadagiti kangrunaan nga highways ken urban centers. Ti kinaranggas ket nakaapektar agingga kadagiti gangganaet a bisita.
Nagballaag ti United States Department of State kadagiti American nationals ti sumagmamano a lugar nga agtalinaed ti natalged a lugar. Na-stranded met dagiti biahero gapo ti pannakasuspindir ti U.S. airlines kadagiti flights idiay Puerto Vallarta, maysa a kangrunaan a destinasyon iti Pacific coast idiay Mexico.
Iti agdama ket agtaltalinaed latta a naka-high alert dagiti security forces gapo iti posible a panangibales ti cartel.
