Impaganetget ti pannakangiwat ti Senate Impeachment Court a ni Atty. Reginald Tongol, a rumbeng koma a nangipila iti defence team ni Bise Presidente Sara Duterte ti motion to quash tapno pormal a kuestionaran iti subpoena kenni retired Sandiganbayan Presiding Justice Amparo Cabotaje-Tang.
Segun ken ni Tongol, rumbeng a naaramid daytoy sakbay a nagtestigo ni Tang tapno maikkan ti gundaway iti depensa a mangidatag ti panagkontrada.
Inlawlawag ni Defense spokesperson Atty. Michael Poa a saanda a dagus a nangipila ti mosion gapu ta ibilbilangda daytoy a premature, gapu ta saan pay a nalawag no ania iti agbalin a sakop ti testimonia ni Tang.
Kabayatanna, kenuna ni House prosecutor Rep. Chel Diokno nga iti opisina-na a naidalan iti subpoena kenni Tang tapno masalakniban ti retirado a mahistrado kontra iti posible nga harassment.
Iti cross-examination, pinagduaduaan met ti depensa iti pannakaipatulod ti subpoena babaen ti email ken no adda ti autoridad ni Diokno a mangiserbi iti daytoy. Nupay kasta, saanen a naituloy kalpasan a naipaganetget a saan a mabalin a damagen iti presiding officer kas testigo nga adda iti sidong ti panagsapata.###
