LA UNION – Dead on arrival idiay ospital ti maysa a motorcycle rider kalpasan a makidinnungpar ti naglugananna a motorsiklo iti kasinnabat a kotse iti kawatiwatan ti Gov. Joaquin Ortega Ave. idiay Barangay Madayegdeg syudad ti San Fernando, La Union itattay ala-1:00 ti parbangon.
Nabigbig ti biktima a ni Gerald Apilado, 19, residente ti Barangay Catbangen iti syudad.
Base ti imbestigasyon iti San Fernando City Police Office, maipagarup nga immagaw iti linya ti motorsiklo a manmanehuen ti biktima isu a napasamak iti pannakidinnungpar daytoy iti kotse a manmanehuen ni Orson Ocon, 39, residente iti ili ti La Trinidad, Benguet.
Gapu iti kinapigsa ti dinnungpar, nalulo iti bagi ti motorcylce rider a naipakpak iti sango ti kotse kabayatan a naipullasit iti 15 metro manipud ti lugar iti insidente motorsiklo.
Nadukatalan a nakinom ti driver ti kotse iti a mapasamak ti aksidente ken nagasar a saan met a nasugatan dagiti tallo a pasahero daytoy.
Iti pannakiuman ti Bombo Radyo kenni Ocon, kinunana a mabalin met a nakainom iti arak wenno nakatuglep ti biktima a nagmaneho iti motorsiklo isu a dimmungpar daytoy iti luganna.
Maipagarup a napagtulaganna metten iti pamilya ti biktima nga isunan iti aggastos para iti pannakaitabon daytoy.
