LA UNION – Nagsagaba iti pannakadundunor ti maysa a motorcycle rider kalpasan a nakadinnungpar daytoy iti tricycle idiay Payocpoc Sur, Bauang, La Union kabayatan iti pananglagip ti Byernes Santo.
Nabigbig ti biktima ken nagmaneho iti motorsiklo a ni James Jemiah, 21-anyos, estudyante ken residente ti Barangay Central East ti nadakamat nga ili.
Base iti impormasyon a nakalap ti Bombo Radyo La Union manipud Bauang Police Station, daldalyasaten iti tricycle a minaneho ni Eric Bucao, 27-anyos, ti abagatan a direksyon ti kalsada bayat nga agturong met iti amianan a direksyon ni Jemiah idi maipagarup nga immagaw ti linya ni Jemiah kasaruno iti panagdinnungpar dagiti dua a behikulo.
Nagsagaba iti minor injuries dagiti sumagmamano a nakalugan iti tricyle nga agkakapamilya bayat a naglak-am iti pannakadundunor ni Jemiah kasaruno iti pannakaiturong daytoy iti pagagasan.
Maipagarup a napartak ti panagpataray ni Jemiah idi a paaweden daytoy isu a napasamak ti aksidente.
Napan laeng gimmatang iti sidaen dagiti nakalugan iti tricycle ken paawid metten dagitoy.
Ur-urayen pay ti pulisya iti panggeddeng ti agsinnumbangir a benneg para ti pagbanagan ti kaso.
