LA UNION – Natay ti maysa a mister kalpasan a maidungpar ti minanehona a motorsiklo iti railing ti kalsada a masakupan iti San Juan-San Gabriel Provincial Road idiay Ili Norte, San Juan, La Union.
Nabigbig ti biktima a ni John Rey Mangaser, 33-anyos, ken residente ti Barangay Baccuit Sur, Bauang, La Union.
Base iti impormasyon a nakalap ti Bombo Radyo La Union manipud San Juan Police Station, daldalyasaten ti motorsiklo a minaneho iti biktima ti nadakamat a kalsada nga agturong iti laud a direksyon idi maipagarup a naidungpar isuna iti railing ti amianan a ngalay iti kalsada kasaruno ti pannakatumba daytoy.
Nagsagaba iti pannakadundunor ti biktima kasaruno iti pannakaitaray idiay ITRMC ditoy syudad ngem naideklara daytoy a pimmusay babaen iti doktor.
Naamwan manipud iti imbestigador a nakainom ti biktima ken maipagarup a napaspas ti panagpatarayna sakbay a napasamak ti insidente.
Naka-helmet ken paawiden ti biktima idi napasamak ti aksidente.
