LA UNION – Malamayan itan ti bangkay iti motorcycle rider a natay iti napasamak a vehicular accident idiay kawatiwatan ti national highway idiay Barangay Bagbag, ili ti Bauang, La Union.
Nabigbig ti biktima a nagmaneho ti motorsiklo a ni Jhony Solomob, 39, residente ti Barangay Sta. Monica ti nasao nga ili.
Naammuan ti Bombo Radyo manipud ti Bauang Police Station, maipagarup a nag-over take ti motorsiklo iti outerlane ti kalsada iti sarsarunuen a truck a manmanihuen ni Rey delos Reyes, 30, residente iti ili ti Ballesteros, Cagayan ngem dimmalapud daytoy iti sign board.
Gapu iti daytoy ket naipullasit ken naiyablat iti tengngat ti kalsada ti bktima kasaruno iti pannakaatal daytoy ti truck.
Dead on the spot si Solomob gapu iti pannakalus-it ti ulona kalpasan a maatalan iti pilid.
Kabayatanna, awanen ti panggep a mangidatag pay iti kaso idiay piskalya ti pamilya iti biktima kontra iti nadakamat a truck driver kalpasan iti tulagda wenno areglo gapu ti insidente.
Maipagarup a saan nga ingagara ti driver a maatalan ti biktima idi a maipullasit daytoy iti kalsada.
