LA UNION – Natay ti maysa a motorcycle rider kalpasan a makidinnungpar iti kasinnabat a truck ti manmanihuenna a motorsiklo idiay Bagulin-Naguilian Road ti Barangay Gusing Sur idiay ili ti Naguilian, La Union.
Nabigbig ti biktima a ni Mark Wilson Almachar, 31, residente ti Barangay Baraoas Sur ti nasao nga ili.
Base ti imbestigasyon ti Naguilian Police Station, maipagarup a nagdinnungpar dagiti dua a lugan nga agdaldalyasat iti agsinnupadi a direksyon.
Naglak-am iti nakaro a panannakadundunor iti bagina ni Almachar, kabayatan a naglibas met ti driver ti truck kalpasan ti aksidente.
Nauyos met iti biag ti motorcycle rider idiay ospital.
Iti agdama, agtultuloy a dukduktalen ti pulisya iti pakabigbigan naglibas a driver ti truck.
