LA UNION – Dead on arrival idiay ospital ti maysa a motorcycle rider kalpasan a makidinnungpar ti nagluganna iti maysa a pick-up idiay national highway a masakupan iti Barangay Taboc, ili ti San Juan, La Union.
Nabigbig ti pimmusay a ni Francis Calibuso, 27, residente iti Barangay Nagsaboan, ili ti Bacnotan, La Union.
Naammuan ti Bombo Radyo manipud iti San Juan Police, kabayatan a daldalyasaten ni Calibuso ti kalsada ket maipagarup a killaat a nakadinungparna ti pick-up a manmanehuen ni Victorino Silao, residente iti Badoc, Ilocos Norte.
Iti agdama, agtultuloy ti imbestigasyon ti pulisya tapno maammuan no sino iti agsungbat iti napasamak nga aksidente.
