Dumanon iti 14 a mannalon iti tabako idiay ili iti Agoo, La Union ti naapektaran iti talon da a tabako gapu pay laeng iti epekto iti panagtudtudo na kadagiti napalpalabas a lawas.
Daytoy ti kinumpirmaran ditoy Bombo Radyo ni Municipal Agriculturist Victoria Cavinta kabayatan iti pannakiuman tayo kenkwana.
Kinunana nga 80% kadagiti talon a tabako ti nadadael gapu iti napalaos a panagtudtudo.
Ngem numan pay kasta, impasigurado ni Cavinta a naipaayan met iti ayuda wenno tulong dagiti mannalon iti tabako babaen kadagiti fertilizers ken bukbukel kasta pay dagiti natnateng ta imbag la a kabarbaro nga imula da kas pangep-ep iti pannakalugi da iti pannakadadael iti mula dagitoy a tabako.
Pakairamanan kadagiti lugar a naapektaran ket ti Brgy. Macalva Sur, Norte, Central, Ambitacay, San Francisco ken Capas.
