Nabigbig manen iti Munisipalidad iti Bacnotan kas Top Philippine Model Municipality 2026 babaen ti The Manila Times Philippine Model Cities and Municipalities, a naangay idi Setyembre 24 idiay The Manila Hotel.
Malaksid iti pannakabigbig kas Top Model Municipality, nagun-od pay iti Bacnotan dagiti sumaganad a pammadayaw:
Rank 1 Overall Scorer kadagiti amin a 15 a kategorya
Safe Haven Award – 2nd Runner-Up
Business-Friendly – 2nd Runner-Up
Retirement Haven – 2nd Runner-Up; ken
Food Security Enabler – 2nd Runner-Up
Indauloan ni Bacnotan Mayor Divine Fontanilla iti panangawat kadagiti pammadayaw, kakadwa dagiti dadduma pay nga opisyales iti munisipyo.
Ti panagbigbig ket nagtaud iti nagkaysa a panagtarigagay dagiti lokal a gobierno, barangay, stakeholders, ken sibubukel a komunidad agturong iti nataltalged, narangrang-ay, sustenable, ken people-centered a nga ili iti Bacnotan.
