LA UNION – Nagpanawagan ni Shaykh Zainal Macapundag, Presidente ti La Union Muslim Association (LUMA) kadagiti muslim a suruten ken ipatungpal iti pudpudno a sur-suro ken kaipapanan ti Ramadan.
Segun kenni Macapundag kabayatan ti interview ti Bombo Radyo, a ti pudno nga adal ti Ramadan nga insuro kadakuada ni Allah ket panagbalin a nasayaat, nalinteg, ken managtulong.
Kinunana a ti tarigagay ti panagayuno dagiti muslim iti panawen ti Ramadan ket tapno nayunan ti kina-imbag ken panagbalin a nalinteg.
Maipalagip a nangrugi ti Ramadan dagiti muslim idi Marso 11 ket agleppas inton Abril 10, 2024 depende iti moon sighting.
