LUNA, La Union – Isagsaganan dagiti otoridad ti kaso kontra iti maysa a baro gapu iti panangbastosna ti pulis idiay Barangay Darigayos, ili ti Luna, La Union.
Nabigbig ti suspek a ni freddie Ramos, 26, residente ti nasao a lugar.
Naammuan ti Bombo Radyo manipud iti Luna Police, maipagarup nga ininsulto ken kinarit iti laban ti suspek ni Police Corporal Gringo Collado a madama nga agpatpatrolya.
Binalakadan ti nadakamat a pulis nga agawid koman ti nabartek a suspek ngem saan a nangipangag.
Ginandat a dangran ti baro ni Collado isu nga inarestoda daytoy.
Assault upon an agent in Authority ti reklamo a posible a sanguen iti suspek idiay piskalya.
