LA UNION – Desidido ti maysa a sales lady ti convenience store iti gas station a sampaan ti reklamo ti punong barangay a maipagarup a nangbastos kenkuana idiay syudad ti San Fernando, La Union.
Iti pannakiuman ti Bombo Radyo iti saanen a nainaganan a sales lady, pasado alas-10:oo ti rabii idi August 13,2017, idi a nagturong idiay gas station ti pagserserbiyanna a convenient store ti nagpabigbig a kapitan a ni Gerald Tabac ti Barangay Madayegdeg ditoy syudad kaddua dagiti tallo a lallaki ken nag-order dagitoy iti sigarilyo ken serbesa.
Maipagarup a nakaunget ti kapitan idi a saan nga immanamong ti sales lady iti pagayatan daytoy nga utangen ti naala a produkto.
Maipagarup a nagpangta met ti nabartek ti punong barangay nga ungwanna daytoy.
Innayon pay ti sales lady, uray la a nakasangit dayoy gapu iti pannakaibabain.
Mabuya met kinunana babaen iti ala ti CCTV camera ti inaramid a panangbastos ti kapitan.
Kabayatanna, naglibakan met ni Kapitan Tabac dagiti alegasyon ti sales lady ken kinunana nga awan iti malagipna a nagturong daytoy iti nasao a convenience store.
Iti agdama, maipagarup a nakadanunen ti reklamo ti sales lady kontra iti kapitan ti San Fernando City Police ken iti opisna ti Sangguniang Panlungsod.
