LA UNION – Inyanunsiyo ni Department of Budget and Management (DBM) Secretary Amenah Pangandaman a mairuar inton, Hulyo 5 iti nabatbati a P27 billion para iti COVID-19 health emergency allowance (HEA) dagiti medical workers.
Iti panangipalospos ti nasao a pondo ket kalpasan a kiddawen ti Department of Health (DOH) idi Mayo a mang-isyu ti Special Allotment Release Order and Notice of Cash Allocation nga agbalor ti P27.453 billion para iti panagbayad ti nabatbati a 5,039,926 a saan pay a nabayadan nga health emergency allowances ken 4,283 COVID-10 Sickness ken Death Compensation claims iti eligible healthcare ken non-healthcare workers.
Segun iti sekretaryo, maawaten dagiti healthcare workers inton 2025 iti amin a nakapenpen a COVID-19 allowance a nagrigatan da idi kangitingitan ti pandemiya.
Kabayatanna, nakaipalosposen ti DBM ti pakabuklan a P91.283 billion iti DOH para iti Public Health Emergency Benefits and Allowances (PHEBA) a mangsakop iti amin a benepisyo para iti healthcare workers manipud 2021 aginggang 2023.
