Namnamaen dagiti nadumaduma a sektor a mangidatag ni Presidente Ferdinand Marcos Jr. dagiti konkreto nga addang iti maikalima nga State of the Nation Address (SONA) ita nga aldaw, Hulio 27, malaksid iti panangipadamag kadagiti nagbalin a programa ken nagapuanan ti administrasion.
Inpanawagan dagiti mangngalap idiay Zambales ti napigpigsa a presensia ti gobierno iti West Philippine Sea, kanayunan a fuel subsidy ken naing-inget a proteksion kontra iti panangharass idiay Bajo de Masinloc.
Kabayatanna, kiniddaw dagiti drayber iti panagsungbat iti agtultuloy a panagngato ti presio ti lana a mangkiskissay iti matgedanda.
Impaganetget pay dagiti agrarian reform groups iti pagkasapulan a salakniban dagiti pagtalonan a daga, marisut dagiti nabayagen a land disputes ken masigurado iti karbengan dagiti mannalon.###
