REGION I | Nangisagana ti Department of Agriculture Ilocos Region iti nadumaduma a libre a serbisyo kas paset iti panagrambak ti maika-128 nga anibersario ti Kagawaran ng Pagsasaka ita nga aldaw, Hunio 15.
Maluktan para iti publiko ti Kadiwa ng Pangulo Market Fair a mangipaay kadagiti presko ken nalaka a presyo a produkto para kadagiti consumers.
Mangted met iti ahensia ti libre a vegetable seeds tapno makatulong iti panagmula ti natalged a pagtaengan a pagmulaan ti nateng.
Kas paset ti panangsalaknib iti salun-at dagiti taraken nga ayup, adda ti libre nga anti-rabies vaccination para kadagiti aso ken pusa.
Maipaay met ti libre a soil analysis ken advisory services a makatulong kadagiti mannalon iti pannakaammo iti kasasaad ti daga ken iti umiso a panagmula tapno mapataud ti nasaysayaat ken nabunga nga apit.
Naisagana met ti libre a medical check-up, pakairamanan ti basic eye check-up, para kadagiti empleyado ti DA.
Segun ti DA, dagitoy a programa ken serbisyo ket mangipakita iti tuloy-tuloy a panagserbi ti ahensia iti publiko, kadagiti mannalon, ken iti komunidad kabayatan ti pannakarambak ti maika-128 nga anibersario ti ahensya.
Report by:
Bombo Lorielyn Llavore
