Personal a sinarungkaran ni Special Assistant to the President Anton Lagdameo, Department of Agriculture Secretary Francisco P. Tiu Laurel Jr., Office of Civil Defense Administrator Harold N. Cabreros,Department of Agrarian Reform (DAR) Secretary Conrado M. Estrella III, Department of Social Welfare and Development Secretary Rex Gatchalian, ken Department of Human Settlements and Urban Development Secretary Jose Ramon P. Aliling, iti coastal community idiay Barangay San Agustin, City of San Fernando, ita nga aldaw ti Lunes, Nobiembre 17.
Kinita dagiti nadakamat nga opisial kadua dagiti lokal nga opisial iti kasasaad dagiti residente a naapektaran iti panagruar ti bagyo ditoy La Union idi Nobiembre 10.
Panggep da a maamwan iti pagkasapulan dagiti apektado a pamilya ken ti agdama a recovery efforts.
Babaen iti presensia dagiti nadumaduma nga ahensia ket nabukel iti on-site coordination para iti shelter assistance, relief distribution, ken rehabilitation planning tapno mapapartak iti panagsungbat ti gobierno para iti komunidad.
Maysa iti Barangay San Agustin kadagiti nakaro a naduprak ti naglabas a Super Typhoon Uwan ken ado dagiti pamilya nga agnanaed iti igid ti baybay iti nakapasar ti napipigsa nga angin ken panagtudo a nakadadaelan dagiti babbalay, nagbakwitan dagiti residente, ken nangitantan kadagiti pagbirukan.
Maibasar iti situational report ti Regional Disaster Risk Reduction and Management Council 1 idi Nobiembre 16, pakabuklan a 41,361 a pamilya wenno 127,704 nga indibidual iti naapektaran ti Bagyong Uwan ditoy probinsia. #
