Nangisayangkat ti Municipal Disaster Risk Reduction and Management Council ti lokal a gobyerno ti Caba ken Bacnotan La Union iti Pre Disaster Risk Assestment nga indaulwan ti Local Chief Executive ti nadakamat nga ili.
Naisayangkat ti panagtaripnong kas panagsagana iti posible a panagduprak ti Bagyo Egay ken posible nga agbalin a super typhoon intuno aldaw ti Martes.
Ti naangay a panagtaripnong ket indaulwan ti Mayor, kasta metten ti PNP, BFP,ken Barangay officials impaganetget dagiti Mayor iti dua nga ili iti kinapateg ti pannakailukat ti Emergency Operations Center.
Binallagan met dagiti opisyales ti barangay nga agbalin nga naalerto kadagiti masakupan kangrunaan kadagiti flood phrone areas kasta metten dagiti asideg ti bantay,karayan ken baybay gapu ti peggad a mabalin nga igubway ti bagyo egay.
Segun iti PAGASA posible na dumanon ti Tropical Cyclone Wind Signal number 3 wenno 4 ti mabalin nga ingato ti extreme northern luzon gapu pay laeng ti nasao a bagyo.
Nakaalerto mettin ti bente kuatro oras ti operation center ti MDRRRMO kasta metten dagiti alikamen a mabalin a aramaten ti panagrescue kadagiti posible a maapektaran ti pangta ti dakes a paniempo.
