LA UNION – Aramiden iti Naguilian Police Station nga inspirasyon iti naawat dagitoy a pammadayaw kas Rank No.1 iti Unit Performance Evaluation Rating (UPER) iti intero a Region 1.
Segun kenni PMajor Judy Calica, agdama a hepe ti pulisiya idiay ili ti Naguilian, maragsakan daytoy ken iti intero a cuerpo ti pulisiya iti nasao a pammadayaw, agsipudta kaipapanan daytoy iti panangbigbig kadagiti ganwat da a mangtagipen iti urnos ken kapya iti nasao nga ili.
Idi napan a lawas ket maysa iti Naguilian PS kadagiti nasurok 100 a police stations iti intero a Region 1, a napadayawan iti naisayangkat a Unit Performance Evaluation Rating (UPER).
