Inawagan ti maysa a lider ti Kamara de Representantes ti naing-inget a proteksyon kenda Presidente Ferdinand “Bongbong” R. Marcos Jr., First Lady Liza Araneta-Marcos, ken Speaker Ferdinand Martin G. Romualdez, kalpasan iti makaalarma a pangta ni Vice President Sara Duterte nga isuda ket ipapatay daitoy.
Segun kenni House Assistant Majority Leader ken Lanao del Sur Rep. Zia Alonto Adiong, saan a mabalin nga iyaleng-aleng dagiti pangta ti Bise Presidente kadagiti kangangatuan a lider ti pagilian.
Iti maysa a press conference, imbatad ni Duterte nga adda nakasarita na a mang-asikaso iti Presidente, First Lady, ken ti Speaker apaman isuna ket matay.
Impaganetget ni Adiong ti kinapateg a maikkan ti proteksyon dagiti lider ti pagilian a mangital-o met ti integridad ti gobierno ti Pilipinas.
Inawagan pay ni Adiong ni Duterte nga ibabawi dagiti pangta na ken ilawlawag ti intensyon daitoy.
Kinuna ni Adiong, nu adda dagiti isyu a nasken a sanguen ket sungbatan dagitoy a direkta ken nasayaat.
