LA UNION – Pinunas ti National Food Authority (NFA) iti panagdanag dagiti konsumer nga adda ti agwarwaras a fake rice kadagiti pagtagilakuan.
Sigun kenni NFA La Union Provincial Manager Fortunato Dulao, awan pay ti naaw-awatda a reklamo maipapan ti fake rice.
No adda man kinunana, ket sukimatenda daytoy tapno maammuan no adda ti kinapudno dagiti maiwarwaras a damag lalo iti social media maipapan ti peke a bagas a magatgatang kadagiti merkado.
Kinuna pay opisyal, tapno masegurado ti kaleda iti gatangen a bagas dagiti aggatgatang ket kasapulan nga agturongda kadagiti rice retailers nga accredited ti opisinada.
