LA UNION – Mapaspasaran ita ti summer solstice iti intero a pagilyan ket iti dadduma pay a lugar ti lubong.
Iti panangilawlawag ni Eng’r. Annie Lyn Pai, project assistant 2 ti Department of Science and Technology (DOST) La Union Provincial Office, mapaspasaran ita iti intero a pagilyan ti nasurok a 13 oras a nalawag ti aglawlaw gapu ti singising ti inet ken marikna met iti nabara a temperatura.
Daytoy kinuna iti mapaspasamak met kadagiti dadduma a lugar idiay Northern Hemisphere ti lubong a mas at-atiddag ti oras iti aldaw nop maikompara ti rabii kada sumangbay ti bulan iti Hunyo.
Maisupadi met daytoy iti winter solstice a mapaspasamak kada bulan ti Disyembre nga atiddag met ti oras iti rabii ken marikna met ti nalammiis a temperatura.
