LA UNION – Dumanon iti 50 nga expired a solicitation paraphernalia ken coin banks wenno alkansia ti kinumpiskar dagiti kameng ti Department of Social Welfare and Development (DSWD) Field Office-1 iti nagduduma a business establishment ditoy siudad ti San Fernando, La Union idi kalman.
Kadua ti nasao nga ahensia ti Police Regional Office-1 (PRO-1) kasta met ti COA iti insayangkatda a surprise inspection.
Naamuan manipud ken ni Alice Nisperos, manpower development officer ng DSWD, a saanen a balido dagiti nasao a coin banks gapu ta nagpason dagitoy idi 2013 ken idi napalpalabas a bulan ti permiso manipud iti ahensia.
Gapu iti daytoy, pagpalawagen ti ahensia dagiti nasao a makinkukua iti nasao a solicitation paraphernalia.
Dagiti coin banks ket kukua mismo ti “Bantay Bata 163” a foundation ti maysa a TV network.
