Manamnama iti nalawa a tignay-protesta kadagiti nagduduma a paset ti Metro Manila kagiddan iti 49th ASEAN Summit
Segun kenni Kadamay Secretary General Mimi Doringo, saan a “welcome” ditoy pagilian ni US President Donald Trump a manamnama a dumar-ay iti summit para iti plano ti nagbaetan ti Pilipinas ken Estados Unidos a panangipasdek iti Pax Silica.
Ti Pax Silica ket maysa nga inisyatiba pang-ekonomiya ken pangseguridad nga idadauloan ti Estados Unidos tapno papigsaen iti global supply chains ti artificial intelligence (AI), semiconductors, critical minerals, advanced manufacturing, ken tay-ak ti enerhiya.
Impaganetget ni Doringo a saan a kasapulan ti Pilipinas iti nasao a proyekt nga uray makapataud daitoy iti trabaho, agsipud ta agpeggad met a madadael iti aglawlaw. Inwaragawag na daitoy kagiddan iti tignay-protesta idiay Mendiola, Maynila, kas paset iti National Day of Protest of the Urban Poor.
Kabayatanna, ur-urayen met iti Bases Conversion and Development Authority (BCDA) iti sungbat iti Estados Unidos para ti draft framework agreement kalpasan a makaawat iti negotiating guidance manipud ti Office of the President.
Mangnamnama met iti gobierno a maipatungpal iti katulagan manipud Nobyembre 16 agingga 18, kagiddan ti 49th ASEAN Summit, nupay saan a sigurado nu daitoy ket mapermaan ita a tawen.
