LA UNION – Parigat ita kadagiti sumagmamano nga Overseas Filipino Workers iti nalammiis a temperatura nga mapaspasaran ita idiay pagilian a HongKong.
Iti pannakiuman ti Bombo Radyo kenni Mel Nitura, tubo ti Barangay Sucos Sur, iti ili a Luna, La Union ken agdama nga agtatrabaho idiay Cheung Sha Wan Kowloon HongKong, kinuna na nga adda sumagmamano nga employer ti paidam nga agpausar ti heater tapno makissayan met kuma ti nakaro a kinalammiis ti panawen.
Malaksid pay iti daytoy, marigatan met ti sumagmamano nga OFW nangruna iti bigat no sadino itulod agtitulod dagitoy kadagiti aywanda nga ubbing iti pagadalan nga adda kalammiisan a temperatura.
Segun pay kenni Nitura, innem nga aldawdan a mapaspasaran ti nalammiis a panawen no sadino dumanon iti 7°c_13°c idiay urban areas bayat a 3°c wenno mas nababbaba pay idiay new territories.
Innayon na pay, bale wala laengen para kadagiti OFW ti mapaspasaran a kinalammiis nangruna dagitay addan ti 15 tawen nan ditoy bayat a parigat kadagiti 7 tawen na agpababa ti nalammiis a panawen iti nasao a pagilian.
