Pimmusayen iti nalatak a golden retriever iti social media a ni Tucker Budzyn kalpasan iti pannakidangadang na iti sakit a cancer.
Segun ti owner daytoy a ni Courtney Budzyn, pimmusay ni Tucker idi Setiembre 2, tallo nga aldaw kalpasan nga impakaammona a na-diagnose ti lymphoma iti walo tawen nga aso.
Kenuna ni Budzyn a maipaspasidong iti chemotherapy ti aso ken mangrugrugin nga agimbag, ngem naaddaan ti abot iti bagis daytoy partikular iti lugar a natamaan ti cancer, a nagbanag ti nakaro nga infection. Dagos daytoy a naiturong iti beterinario, ngem saanen a naispal.
Ni Tucker ket inampon ni Budzyn idi 2018 ken nagbalin a nalatak iti social media gapu kadagiti video ken ladawan daytoy.
Nangidanon met ti pannakipagrikna dagiti tagasuporta ken personalidad iti ipupusayna, bayat a kenuna ni Budzyn nga agtalinaed iti pusoda iti lagip ni Tucker.###
