Pimmusayen iti nalatak a hippopotamus a ni Fiona bayat ti kaaddana idiay Cincinnati Zoo.
Segun iti direktor ti Cincinnati Zoo a ni Dave Jenike, aksidente a natilmonna ti sombrero a natnag iti ayanna.
Innayonna a nasdaaw ken nakigtotda unay iti ipapatay ti siam ti tawenna a hippopotamus.
Pina-check-da pay daitoy iti beterinario, ngem kalpasan ti sumagmamano nga oras ket natay daitoy.
Inoperaan da pay iti nasurok a 2,000-pound nga ayup ngem uray ania ti gandat a mangikkat iti daytoy, saanen a makalasat iti operasion.
Maipalagip a nagbalin a dagus a nalatak iti sangalubongan ni Fiona idi naipasngay a six-weeks prematurely idi 2017 ken addaan ti record-low a timbang a 29-pound. Masansan nga agdagsen iti 100-pound dagiti kapaspasngay a hippo.
Tinulongan dagiti empleado ti zoo a magna ken mangan a nasayaat ni Fiona agingga a nagsubli ti normal ti biagna.
Gapu iti kinalatakna, kanayon nga mangipo-post iti zoo kadagiti ladawan ken video ni Fiona, a sadiay immadu ti fansna iti nadumaduma a paset ti lubong.





