Nangisayangkat ti anti-government protest dagiti estudyante manipud kadagiti sumagmamano nga unibersidad idiay Iran – ti umuna ken kadakkelan a rally manipud idi Enero sipud idi impatungpal ti gobierno ti naranggas a crackdown kadagiti umili.
Segun kadagiti report, ginasut nga estudiante ti Sharif University of Technology iti nagmartsa kabayatan ti baro a semestre.
Naipadamag met iti kapada a tignay-protesta iti siudad ti Mashhad.
Pinadayawanda dagiti rinibu a natay kadagiti napalabas a protesta iti intero a pagilian a brutal nga linapdan ti gobierno.
Adu met kadakuada iti nagpanawagan kadagiti sumagmamano nga estudiante a mangisayangkat dagiti protesta ita nga aldaw.
Kagiddan ditoy ket immunan a nangipaay ti senyales ti Estados Unidos kalpasan a nasaripatpatan ti presensya ti militar daytoy asideg iti kabaybayan t Iran, ken kenuna ni U.S. President Donald Trump a nakasagana isuna a mangibilin ti military strike.
Malagip a nabayagen nga agsuspetsa ti US ken dagiti European allies a posible nga ikagkagumaan ti Iran iti agaramid ti nuclear weapon, a nainget nga inlibak ti gobierno ti nasao a pagilian.###
