LA UNION – Inapreciar ni House Speaker Ferdinand Martin G. Romualdez iti panang-aprubar da Philippine Health Insurance Corporation (PhilHealth) President ken Chief Executive Officer Emmanuel Ledesma Jr. ken Health Secretary Teodoro Herbosa, iti pannakaingato ti financial assistance dagiti dialysis patient.
Segun iti lider ti Kamara de Representantes, dackel a tulong iti pannakaingato ti benepisyo nga ipapaay ti PhilHealth kadagiti nasurok maysa milyon a Pilipino nga agpapa-dialysis.
Manipud iti P2,600 ket naingato iti P4,000 iti sungbatan wenno ibaklay ti PhilHealth iti dialysis.
Segun kenni Speaker Romualdez, dackel a tulong daytoy kadagiti pasyente ken pamilya da.
Daytoy ket suporta iti tarigagay ni President Ferdinand R. Marcos Jr. ken tarigagay i Universal Health Care Law a matulungan dagiti nakurapay a pamilya a makapag-paagas ti libre.
Impaganetget ni Speaker Romualdez a ti dialysis ket saan nga agas nudiket wagas tapno mapa-atiddog ti biag iti maysa a tao nga adda sakit na iti kidney.
Mangnamnama iti lider ti Kamara nga aprubaran ti PhilHealth iti panangipaay ti dadduma pay a libre nga health service a kidkiddawen dagiti kongresista kas ti laboratory test ken mammogram.
