Manamnama a ngumato ti 2.4 percent wenno mapatta-patta a 295,000 metric tons iti beef imports ti Pilipinas inton 2027.
Segun ti U.S. Department of Agriculture, gapuanan daytoy ti ngumatngato a demand manipud kadagiti sangkabalayan, food processors ken food service sector, bayat a nabuntog iti panagdur-as ti lokal a produksion.
Kabayatanna, mapatta-patta nga agtalinaed iti 174,000 metric tons iti domestic beef production, bayat a ngumato iti 1.5 percent iti konsumo iti 468,000 metric tons.
Manamnama met a dumakkel iti paset ti Indian carabeef iti merkado gapu iti nababbaba a presio, bayat nga agtalinaed a kangrunaan a suppliers iti Australia ken Brazil, ken posible manayunan iti imports manipud iti Ireland, Mexico, ken Colombia.###
