LA UNION – Kinumpirma ti pulisya a saan a kabilang iti narco list ni sigud a barangay kapitan Federick Valin, a napapatay babaen iti panangtambang idiay Barangay Cabugao, ili ti Bacnotan, La Union.
Iti pannakiuman ti Bombo Radyo, kinuna ni Chief Insp. Baldwin Sokoken Jr. , OIC ti Bacnotan Police, saan a karaman ti biktima iti illegal drug activity.
Iti agdama segun kenni Sokoken, awan pay iti nalawag a motibo iti pammapatay ngem impasiguro na nga amin a posible a makagapu wenno rason ti panangtambang ket sukimaten a naimbag dagiti imbestigador.
Kabayatanna, base iti istorya dagiti nakaimatang iti krimen, maipagarup a nakahelmet ti gunman a nangpapatay iti biktima.
Innem a basyo iti bala ti cal .45 a paltog iti narekobre dagiti police investigators iti crime scene ken nakatuding a maammiris dagitoy iti PNP crime laboratory.
