LA UNION – Naituding inton Miyerkoles, Nobyembre 13, 2019 iti ponpon ti napapatay a ni RTC Judge Mario Anacleto Bañez.
Alas 2:00 ti malem inton bigat, maiturong iti bangkay iti SLC chapel tapno mamisaan sakbay a maitulod iti maudi a tanem na iti maysa a pribado a kamposanto idiay San Juan, La Union.
Maipalagip a pinatay dagiti suspek a riding-in-tandem ni Judge Bañez bayat nga agman-maneho ti lugan na, iti kawatiwatan ti kalsada idiay Barangay Mameltac ditoy syudad idi malem ti Martes, Nobyembre 5.
Idi kalman, aldaw ti Lunes, binisita ken nangisayangkat ti vigil dagiti katrabahuan na iti korte, iti balay da a nakaimasayagan ti biktima idiay Barangay Dallangayan Oeste, SFC, La Union.
Kabayatanna, nalidemen a maiturong pay ti bangkay ti judge iti lugar na idiay Tadian Mt. Province agsipudta awanen ti oras ken maitabon daytoyen inton bigat.
Agingga ita ket awan pay ti naan-anay a paglaw-lawagan iti nasao a krimen ken maur-uray pay laeng iti resulta ti imbestigasyon nga isay-sayangkat iti nabukel a Task Force Bañez.
