LA UNION – Mangrugi ita nga aldaw ti Lunes, July 1 2019 iti mas naparpartak a panagi-proseso ken panag-claim iti Unified Multi-purpose ID wenno SSS Unit ID card.
Daytoy ti kinumpirma bayat iti pannakiuman ti Bombo Radyo La Union kenni SSS Branch Head Francisco Pentecostes.
Segun kenni Pentecostes, nu iti sigud ket umabot ti tallo a bulan sakbay a makaala ti SSS Unit ID card, agbalin laengen ita a maysa a bulan wenno nabibiit pay.
Saan metten kunana nga idalan pay iti koreo iti nasao nga ID agsipudta maipaka-ammo laengen iti applicant member babaen ti SMS iti cellular phones a mabalin dan nga i-claim iti mismo nga opisina ti SSS.
Gaputi dayta ket binalakadan ti opisyal dagiti miyembro a kasapolan nga aktibo iti ilanad a numero iti application form.
Kabayatanna, inlawlawag ni Pentecostes iti kinapateg ti SSS Unit ID card agsipudta mausar daytoy iti panag-claim ti benipisyo ken loans manipud iti nasao nga ahensiya ken mabalin pay nga usaren iti transaksiyon iti dadduma nga ahensiya ti gobyerno.
